गैरे सेवा समाज जापान भरतपुरले आफ्नो सामाजिक उत्तरदाईत्व अन्र्तगत खाद्यन्न सामाग्री, कपडा तथा बाकस वितरण गरेको संघका अध्यक्ष दिलिप गैरेले जानकारी दिनुभयो । उहाँले जेष्ठ नागरिकलाई हरेक व्यक्तिले हप्ता, महिना वा वार्षिक रुपमा भएपनि एक दिन सहयोगका कार्यक्रम गरेमा हेरचाहमा सहयोग पुग्ने उहाँको भनाई छ ।

जेष्ठ नागरिकलाई राज्यले विशेष सुविधाको व्यवस्था नगरेकाले बुढ्यौली उमेरमा कष्टकर जीवन व्यतित गर्दै एक्लै बस्नुपर्ने बाध्यता छ । आफ्ना आमाबाबुलाई हरेक नागरिकलले हेरचाह गर्नुपर्ने भन्दै उहाँले बृद्धाश्रममा आउने वातावरणको अन्त्य गर्नुपर्ने बताउनुभयो ।

गैरे सेवा समाज जापानका संरक्षक टंक गैरेले बृद्धाश्रममा आएर आमाबाबुलाई सहयोग गर्न पाउँदा खुसि लागेको बताउनुभयो । उहाँले मानव सेवा गर्नका लागि संस्थाको स्थापना गरिएको बताउनुभयो । २०६८ सालमा स्थापना भएको गैरे समाज जापानले यस अघि पनि विद्यालयका गरिव बालबालिका, बाडिपिडितहरुलाई सहयोग गर्दै आएको छ ।

देवघाट क्षेत्र विकास समितिका कार्यकारी निर्देशक धिरनबाबु घिमिरेले बृद्धाश्रम सञ्चालन गर्न कठिन भएकाले नियमिति रुपमा सहयोग गर्न आग्रह गर्नुभयो । देवघाट क्षेत्र विकास समितिद्धारा सञ्चालित देवघाछ समाज कल्याण केन्द्रमा ३० जना जेष्ठ नागरिकले आश्रय लिदैँ आउनुभएको छ ।

गैरे सेवा समाज जापानका अध्यक्ष दिलिप गैरेको अध्यक्षतामा रहेको कार्यक्रममा शालिकराम गैरे, टिकाराम गैरे, पशुराम गैरे लक्ष्मण गरै, जगपति गैरै, चित्रप्रसाद गैरै, नारायण गैरे लगायतको उपस्थिति रहेको थियो ।