दक्षिणकाली नगरपालिका वडा नं ८ को देवि चउरमा संचालित वडा स्तरिय फुटबल प्रतियोगिता २०८० को उपाधी विवाहित समूहले जितेको छ ।

वडा ८ कार्यालयको खेल मैदानमा सम्पन्न फाइनल खेलमा पेलान्टी मार्फत उपाधी हात पारेको हो । उपाधीसंगै उसले नगद १० हजार तथा मेडल, ट्रफि हात पार्‍यो । फाईनलमा सम्मानजनक हार ब्यहोरेको आयोजक छैमले युवा क्लव उपबिजेतामा सिमित रहदै नगद ५ हजार ट्रफिमा चित्त बुझाउन बाध्य भयो ।

स्थानीय स्तरका दर्शकहरुको सानदार उपस्थितीमा भएको कडा प्रतिस्पर्धा र रोमाञ्चक खेलमा ६ वटा क्लव सहभागी रहेको थियो । विजेता तथा उपविजेता क्लवलाई नगद सहित ट्रफि प्रदान गर्दै वडा ८ का अध्यक्ष योस कुमार वाइवाले युवाहरुले खेल प्रति देखाएको जागरुपतालाई मनन गर्दै यो प्रतियोगितामा वडाको समन्वय रहेको बताउनुभयो । पहिलो पटक वडा कप सुरु भएको बताउँदै कमि कमजोरीलाई सुर्धादै वडा भित्रका विभिन्न खेलको विकासमा आफु निरन्तर लाग्ने अध्यक्ष वाइवाले जोड दिनुभयो ।