दक्षिण क्षेत्रिय सहकारी समन्वय समिति दक्षिणकालीले शुभ दिपावली, नेपाल सम्वत् ११४४ र छठ पर्वको पावन अवसर पारेर शुभकामना तथा चियापान कार्यक्रम सम्पन्न गरेको छ ।

वागमति प्रदेश सभा सदस्य ज्ञान बहादुर तामाङको प्रमुख आतिथ्यतामा सम्पन्न कार्यक्रममा वागमति प्रदेश सभा सदस्य तामाङले सहकारी क्षेत्रमा देखिएको समस्यालाई सबै मिलेर समाधान गर्नुपर्ने बताउनु भयो ।

कार्यक्रममा बोल्दै दक्षिणकाली नगरपालिका नगर प्रमुख मोहन बस्नेतले सहकारीसँग नगरपालिका समन्वय गर्न तत्पर रहेको बताउनु भयो । विगत बर्षहरुमा पनि सहकार्य गर्दै आइरहेको बताउदै तिहार लगतै सहकारीको लागि आवश्यक क्षमता अभिवृद्धि र आवश्यक समन्वय गर्ने जानकारी गराउनु भयो ।

सहकारी क्षेत्र त्यति सजिलोसँग संचालन गर्न सहज नहुने बताउँदै यस क्षेत्रमा निरन्तर लागिरहे मात्र यसको आवश्यक्ता, समस्या, र समाधान गर्न सकिने दक्षिण क्षेत्रिय सहकारी समन्वय समितिका अध्यक्ष वीरेन्द्र कुमार बलामीले बताउनु भयो । यहाले आफु आफुमा पक्ष प्रतिपक्ष नभई सबैको समस्याको समाधानमा एक हुनुपर्ने औलाउनु भयो ।

कार्यक्रममा बोल्दै सहकारीले नै आर्थिक सम्वृद्धि गर्न मद्धत पुग्ने हुँदा वर्तमान अवस्थामा सबै मिली समस्याका हल खोज्नु पर्ने सल्लाहकार उर्गेन लामा (सन्जय) ले बताउनु भयो ।

कार्यक्रममा दक्षिणकाली नगरपालिका नगर उपप्रमुख, विभिन्न वडाका वडा अध्यक्ष, सहकारी संचालकहरु, जेष्ठ नागरिक, विभिन्न संघसंस्था, टोल विकास समिति लगायत पत्रकारहरुको उपस्थिती रहेको थियो । शुभ दिपावली, नेपाल सम्वत् ११४४ र छठ पर्वको शुभकामना आदन प्रदान गर्दै सेल, रोटी र जलपानसँगै कार्यक्रम सम्पन्न भएको थियो ।