बैतडी धनगढी गत चैत १० गते उडानपछि हवाई सेवा बन्द भएको हो । साताको एक दिन बिहीबार बैतडीबाट धनगढीसम्म समिट एयरले उडान भर्दै आएको थियो ।नियमित रूपमा उडान हुने गरेकोमा हाल यात्रु नपाउँदा बन्द रहेको बैतडी नागरिक उड्डयन कार्यालय पाटनका वरिष्ठ अधिकृत चेतराज भट्टले जानकारी गराउनुभयो ।

समिट एयरले यात्रु बढी पाइने पर्यटकीय क्षेत्रहरूमा बढी उडान भरिरहेको हुनाले पाटन आउन नसकेको उहाँले बताउनुभयो ।अढाई महिनादेखि बन्द रहेको हवाई सेवा अबको दुई हप्तासम्म पुन सञ्चालनमा आउने समिट एयर बैतडीका सम्पर्क व्यक्ति कृष्ण दत्त भट्टले जानकारी दिनुभयो ।यसअघि गत पुसदेखि पनि यहाँको हवाई सेवा बन्द भएको थियो । यात्रु अभाव र मौसम अनुकुल नहुँदा हवाई सेवा बन्द रहेकोमा फागुन पहिला साता सुचारु भएको थियो ।यसैबीच बैतडी–धनगढी हवाई भाडा महंगो भएको यात्रुहरूको पनि गुनासो रहदै आएको छ ।