अन्तर्राष्ट्रिय नेपाली साहित्य समाज अनेसास जापानले जापानव्यापी खुला कविता प्रतियोगिता आयोजना गरेको छ । अनेसास जापानसिटी एक्सप्रेस साहित्य पुरस्कार को लागि जापानमा रहेर कविता लेखनमा कलम चलाउनुहुने साहित्य    प्रेमीहरुलाई हौसला  प्रदान गर्नेउद्देश्य सहित प्रतियोगिता आयोजना गरिएको हो । प्रतियोगिता अनेसास जापानको आयोजना र सिटी एक्सप्रेस मनि ट्रान्सफर जापानको प्रायोजनमा  आयोजान गरिएको हो । यो भन्दा अघिल्ला वर्षहरूमा पनि “अनेसास जापान सिटी एक्सप्रेस साहित्य पुरस्कार ” दुई पटकबितरण गरिसकिएको बताइएको  छ।
प्राप्त कविताहरु मध्येबाट उत्कृष्ट ३ जना कविलाई अनेसास जापानले जनही १५ हजार जापानी येन नगद र प्रमाणपत्र सहित सम्मानगर्नेछ । 

जापानमा रहेर कवितामा कलम चलाउनुहुने सम्पूर्णमा ,अन्तिम मिति : ३१ अक्टोबर ,२०२०भित्र , ईमेल ठेगाना: nepaliwritersinjapan@gmail.com मा कविता पठाइ सहभागिताको लागि अनेसास जापानले अनुरोध गरेको छ । ।

–कविताको शीर्षक र विषयवस्तु खुला रहने छ ।

–कविता बढीमा २०० शब्दसम्मको हुनु पर्नेछ ।

–प्रतिस्पर्धी कविले जापानभित्रै स्थायी वा अस्थायी रूपमा बसोबास गरेको हुनु पर्नेछ ।

–कविता १ अक्टोबरदेखि ३१ अक्टोबरभित्रमा पठाइसक्नु पर्नेछ ।

–विगतका उत्कृष्ट पुरस्कार विजेता कविले सहभागी हुन पाइने छैन ।

–उत्कृष्ट ३ जना कविलाई जनही १५,००० येन र प्रमाण – पत्र उपलब्ध गराइने छ ।

–कविता पठाउनु पर्ने  ठेगाना:nepaliwritersinjapan@gmail.com

–अन्तिम मिति : ३१ अक्टोबर , 2020