–बाबुराम श्रेष्ठ ‘यात्री‘

ठिङ्ग उभिएर

साधुरा गल्लीहरु

झुन्ड्याएर साइन बोर्डहरु

मूलबाटामा अर्धनग्न

फुस्रा केटाकेटीहरु जमाएर

चर्तिकला हेरिरहन्छ

हरेक पल्ट ठमेल साँझ !

छिप्पिदो साँझसँगै

रौनकताले गाँज्छ

‘हार्ड रक’ क्याफेहरु

खचाखच भरिन्छ

ककटेलको स्वादमा

उकुसमकुस पिइदिन्छ

हरेक पल्ट  ठमेल साँझ !

खिसिक्क हाँस्छ

लाजसरम पचाउँछ

विदेशी लवज

न्यू एयर, क्रिसमसले

सजिन्छ बरोवर

सभ्यता एक छेउमा

घाउ भएर दुःखिरहन्छ

टुलुटुलु हेर्दै

वेलकम गरिरहन्छ

हरेक पल्ट ठमेल साँझ !

सिन्धुली