ओसाका जापान,

एनआरएन जापान कान्साई क्षेत्रीय समितिको अधिवेशन आगामी जुन महिनाको २९ तारिक हुने भएको छ।
समितिले आगामि २०२५ -२०२७ कार्यकालका लागि नयाँ कार्यसमितिका लागि निर्वाचन समितिको चयन गरेको छ। २०२५ जुन महिनाको ६ तारिक बसेको कार्यसमितिको बैठकले सो निर्णय गरेको हो।
निर्वाचन समितिको संयोजकमा तेज गुरुङ्ग र सदस्यहरुमा यदुराम सापकोटा र नर बहादुर जुगजालीलाई चयन गरिएको एनआरएन कान्साईका संयोजक हरिप्रसाद कँडेलले जानकारी दिनुभयो।

त्यस्तै केन्द्रीय प्रतिनिधीमा कृष्ण शर्मा गैरे, बिष्णु प्रसाद सापकोटा र थानु राना लाई केन्द्रले तोकेर पत्राचार गरेको एनआरएनकान्साईले जानकारी गराएको छ ।

उक्त बैठकबाट उम्मेदवारहरूको उम्मेदवारी शुल्क समेत निर्धारण गरिएको छ।
संयोजकः- १५ मान
उप-संयोजकः- १० मान
महिला उप-संयोजकः- ७ मान
युवा संयोजकः-८ मान
सचिवः-८ मान
कोषाध्यक्षः-८ मान
सह-हरुः-५ मान
सदस्यः-३ मान
महिला सदस्यः-१५०००

उक्त बैठकबाट गैडाकोट १ रहेको अपांग जिवन विकास संस्थाको दुई कोठे भवन निर्माणको सहयोगका सन्दर्भमा ७० मान यन सहयोग गर्ने निर्णय गरिएको सचिब विनोद कँडेलले जानकारी दिनुभयो।

साथै २०२५-६-१९ मा गर्ने भनिएको वारविक्यु कार्यक्रम विशेष कारण वस स्थगित भएको समेत एनआरएन कान्साईले जनाएको छ।