गन्तव्य साहित्य May 9, 2018May 9, 2018 -नेत्र एटम झिस्मिसे हुनुअघि नै कृयाशील भएका छन् काभ्रोको रुखमा आशृत चराहरु जगर पारेर ठाडो सचेत आवाज निकालिरहेछ बकैनाको कापमा बचेरा हुर्काइरहेको कौवा ढोकाको जालीबाट छिरेको छ मन्दमन्द शीतल पवन गाउँ सम्झाउँदै छ कुर्के ढुकुरको लययुक्त स्वर छिमेकीको घरबाट घाँटी तन्काएर बासिसकेको छ रातो समय बुझ्नुभयो नि ! पूर्वको पहाडबाट उदाउने बालसूर्यको सङ्केत गरिरहेछ प्रकृति बिउँझेको छु म पनि सम्पूर्णत: उज्यालोको ऊर्जा समाहित गरेर आफ्नो मन र शरीरमा गतिशील भइरहेछु बाटोतिर फुक्काफाल छन् पाइला जहाँ पुग्छु त्यहीसम्म नै हो मेरो प्रिय गन्तव्य ……….