-रजनी खत्री

सानो सानो खुसी पाउन

यत्रतत्र भौंतारिरहेछ मान्छे

दुई दिनको जिन्दगी यो

लोभैलोभमा अल्झिरहेछ मान्छे

यसो गरे पैसा, उसो गरे पैसा

आत्मीयता, नैतिकता, मानवता बेचिरहेछ मान्छे

अरुको भावनाको न कदर गर्छ मान्छे

न अर्कोको विश्वासको पात्र बन्न सक्यो मान्छे

प्रत्येक पाइला पाइलामा स्वार्थी बन्यो मान्छे

हरेक क्षण क्षणमा बिकिरह्यो मान्छे

पैसा, पैसा, पैसा गर्दै चुकिरह्यो मान्छे !

काठमाडौं